ပစ္စက္ခသာသနာ့အခြေအနေ
ကျောင်း ဘုရား
မြန်မာပြည်၏ ရှေးခေတ်သာသနာရေးကို ပြပြီး၍ ပစ္စက္ခ (လက်ရှိ) သာသနာ့အခြေအနေ၀ယ် ပြုပြင်သင့်သော (ပြုပြင်၍ ရနိုင်လောက်သော) အချက်များကို ပြပါဦးမည်၊ အနော်ရထာမင်းစော လက်ထက်မှစ၍ သဒ္ဓါ မျိုးစေ့ ကျသဖြင့် ပေါက်ရောက်စည်ကားနေသော သာသနာတော် ဥယျာဉ်၌ ကျောင်းဘုရား စေတီ စသည် ထူးပြား သာသနာ့ အဆောက်အအုံ သစ်ပင်များသည် သူ့ခေတ် သူ့ခါ စိုစိုပြည်ပြည် ရှိခဲ့ကြပါသော်လည်း မင်းအဆက် ပြောင်းသလောက် ကျောင်းတိုက်များလည်း အဆက်ပြောင်းကာ ထိုက်တန်သော ကျောင်းထိုင်ပုဂ္ဂိုလ်များနှင့် ကွဲကွာ၍ မကြာမကြာ ပျက်စီးရှာရတော့သည်။
မင်းတုန်းမင်းတရားလက်ထက်တုန်းက အလွန်ကျက်သရေရှိခဲ့ကြသော မန္တလေးတိုက်ကြီးများသော်မှ အနှစ်(၆၀)ကျော် (၇၀) အတွင်းမှာ အိုမင်း ပြိုကျ၍ အနိစ္စသဘောကို ဟောပြောနေကြပြီ၊ ဗြိတိသျှအစိုးရလက်ထက်၌ တည်ဆောက်ခဲ့ကြသော တိုက်တာကြီး များလည်း မူလဆရာတော်တို့ သက်တော်ယိုယွင်းလျှင်ပင် သူတို့ လည်း အိုမင်းသောလက္ခဏာဖြင့် သာယာဖွယ် မရှိကြတော့ချေ၊ မူလဆရာတော် ကွယ်လွန်ပြီးနောက် ဒုတိယ တစ်ဆက်လောက် ဆိုလျှင် အရှိန်အ၀ါ လျှောကျရသော ကျောင်းတိုက်တွေသာ များတော့၏။
စေတီတော် ဆင်းတုတော်
အလွန်စည်ကားသော နေရာ၌ တည်ရှိသော တချို့စေတီတော်များနှင့် အစိုးရ တာဝန်ယူ ထားသော စေတီတော်များမှတစ်ပါး များစွာသော စေတီတော် ဆင်းတုတော်များကား ကျောင်းတိုက်တွေထက်ပင် အညှိုးနွမ်း မြန်တော်မူကြသေး၏၊ ဆင်းတုစေတီတော်များမှာ ဆင်းတုစေတီတော်ဘ၀၌ တည်ရှိကြသေးသော်လည်း လူအများ၏ လေးစားရိုသေမှုကို မခံကြရသဖြင့် ထည်ထည်ဝါ၀ါ မရှိကြပေ၊ ဤသို့ ဖော်ပြခြင်းဖြင့် “ကျောင်းတိုက် စေတီတော်များကို ကြာရှည်တည်တံ့အောင် ကိုးကွယ်ထိုက်သည်”ဟု ဆိုလိုပါသည်။
စာပြန်ပွဲများ
စာပေသင်ကြားပို့ချမှု ပရိယတ်သာသနာသည်ယခုအခါ သာသနာ၏ အဓိကအလုပ်သဖွယ် ကြီးကျယ်ထင်ရှားလျက် ရှိပေ၏၊ စာပြန်ပွဲတွေကလည်း ရှေးမင်းများ၏ အမွေကို ခံယူကာ ဟိုမြို့ ဤနယ် အသွယ်သွယ်၌ ပေါများလှ၏၊ [ ဤနေရာဝယ် “စရစ်…နင်တို့ လက်ဝှေ့ပွဲ မပြီးသေးဘူလား” ဟူသော ကြက်သွန်ခင်းဆရာတော်၏ စကားသည် စဉ်းစားဖွယ် ကောင်းလှပေ၏၊] စာမေးပွဲဝင်ရာ၌ သူ့ထက်ငါ သာလွန်လိုစိတ်တွေ များလှချေ၏၊ စာမေးပွဲလုပ်သူတို့ကလည်း “တစ်ပါးနှင့်တစ်ပါး အားကျပြီး သင်မှ စာတတ်လွယ်သည်”ဟု ယူဆ၍ တစ်နံပါတ် အောင်သူ, နှစ်နံပါတ်အောင်သူ စသည်ဖြင့် ဆုလာဘ်နှင့်တကွ ချီးမြှောက်ကြသည်။
မင်းတုန်းမင်းတရားကြီးလက်ထက်၌ပင် “ပထမစာတော်ပြန်” ဟူသော ဂုဏ်သည် နယ်တုန်အောင် ကျော်ကြား၍ မိဘဆွေမျိုးများပင် ဂုဏ်အတင် ခံရပေသည်၊ ငယ်ရွယ်သော စာသင်သားတို့ကိုသာ ပထမပြန်နှင့် မြှောက်သည်မဟုတ်၊ ကြီးရင့်သောဆရာတော်များကိုလည်း ဘွဲ့တံဆိပ်ဖြင့် မြှောက်သေး၏၊ ထိုအမြှောက်ခံရသူ အားလုံးပင် ပုထုဇဉ်တွေသာများ၍ ထိုဂုဏ်မျိုးရရှိအောင် အမျိုးမျိုး ကြံဆောင်ကြသူတွေလည်း အများအပြား ပါဝင်ရကား တရားလမ်း အတိုင်း ဂုဏ်ရသူတို့သော်မှ “နွားထီးငါးကျပ် နွားမငါးကျပ်” ဖြစ်ကြရလေတော့သည်။
စာအောင်ပုဂ္ဂိုလ် ချီးမြှောက်ပုံ
စာအောင်ပုဂ္ဂိုလ်များကို ရှေးမင်းများလက်ထက်မှ စ၍ ယခုတိုင်အောင်ချီးမြှောက်ကြ သည်မှာ (စာမေးပွဲအောင်၍ သွေးမြောက်နေသူအတွက်) ခြေထောက်၍ က-လောက်ပါပေ၏၊ လူဝတ်ကြောင်များကသာ မြှောက်ကြသည် မဟုတ်သေး၊ ရဟန်းသံဃာချင်းလည်း စာမေးပွဲ အောင်သူကိုသာ အသိအမှတ် ပြုချင်ကြ၏၊ သာမန် ရဟန်းသံဃာချင်းသာမက ဆရာတော်များကပင် စာမေးပွဲအောင်သည်ဟုဆိုလျှင် ချီးမြှောက်ချင်တော်မူကြသည်၊ “ဘယ်နည်းဖြင့် အောင်လာသလဲ” ဟုကား မစဉ်းစားမိတော့ချေ။
ရဟန်းဒကာ ရဟန်းအမတို့ကမူ သူတို့ ဦးပဉ္စင်း စာမေးပွဲအောင်မှ ကျေနပ်ကြ၏၊ ဤစာရေးသော ဘုန်းကြီးသည်ပင် စာမေးပွဲ အကျိုးအပြစ်ကို စနစ်ကျကျ သိထားသူ ဖြစ်ပါလျက် အထက်တန်း စာမေးပွဲအောင်ပြီးသူဟုဆိုလျှင် အသိအမှတ် ပြုချင်သလိုဖြစ်နေ၏၊
ဤမျှ အရှိန်ကြီးနေသော စာမေးပွဲကို ငယ်ရွယ်သူတွေ (တရားသည် ဖြစ်စေ, မတရားသည်ဖြစ်စေ) အဘယ်မှာ မအောင်လိုဘဲ ရှိချေတော့မည်နည်း၊ “နောင်ခါလာ နောင်ခါဈေး, အောင်လျှင် ပြီးရော” ဟု သဘောထားကာ အစွမ်းကုန် ကြိုးစားကြမည်သာ။