ကျေနပ်ဖွယ်သာသနာ
ဘုန်းကြီးမြင်ချင်သော မြန်မာနိုင်ငံတော်ကား အားလုံးညီညွတ်စွာဖြင့် စီးပွားရေးကို လေးစားမှုကြောင့် တိုးတက်လာသော ကျန်းမာရေး ပညာရေးတို့ကို အခြေပြု၍ မြေပြင် ရေပြင် ဝေဟင်တပ်တို့ဖြင့် သပ်ရပ်ထည်ဝါ တင့်တယ်စွာသော ပြည်ထောင်စု မြန်မာအိမ်တော်တွင် စည်းကမ်းကျနစွာ အထွတ်တင်ထားသော ကျောင်းကန်ဘုရား စာသင်တိုက်များကို မြင်ချင်လှပြီ၊ အကြင်အခါ စာသင်တိုက် ကမ္မဋ္ဌာန်းတိုက်နှင့် ကျောင်းကန်ဘုရားတို့သည် ၀င်လာသူတို့စိတ်ကို စွဲဆောင်နိုင်လောက်အောင် သာယာ၏၊ ဆိတ်ငြိမ်၏၊ ထိုအတွင်း၌ သီတင်းသုံးနေထိုင်သူတို့သည် စိတ်ထားဖြူလွင် သူတော်စင်များချည်း ဖြစ်၏၊ ထိုအခါ (ဈာန် မဂ် ဖိုလ် မရစေကာမူ) ကျေနပ်ဖွယ်ကောင်းသော သာသနာတော် ဖြစ်ပါလိမ့်မည်။
ကျွန်းကိုင်းမှီ ကိုင်းကိုကျွန်းမှီ
ရေလယ်ကောင်ကျွန်းသည် ကိုင်းပင်တွေ အမြစ်တွယ်၍ ယှက်နွယ်ခြင်းကြောင့် ခိုင်မြဲရ၏၊ ကိုင်းပင်တွေလည်း ကျွန်းခိုင်မြဲသောကြောင့်ပင် ခိုင်မြဲ တည်တံ့ရ၏၊ ထိုအတူ ပြခဲ့သော အစီအစဉ်အရ သာသနာတော် အရေးကို ပြင်လိုက်ကြလျှင် သာသနာတော်ကြောင့် ပြည်ထောင်စု မြန်မာနိုင်ငံတော် တည်တံ့၍ နိုင်ငံတော်တည်တံ့မှုကြောင့် သာသနာတော်လည်း စည်ပင်ဖွယ်ရှိရကား ရှင်ဘက် လူဘက် ခေါင်းဆောင်များသည် ဟိတောပဒေသလာ စိတြဂီဝါခိုအသင်းနှင့် သမ္မောဒမာန ဇာတ်တော်လာ ငုံးအသင်းတို့၏ ညီညွတ်ကြသည့်ထုံးကို နှလုံးသွင်း၍ ဗုဒ္ဓသာသနာတော်ကို အထွတ်တင်ထားသော မြန်မာနိုင်ငံတော် ကြီးကို ခိုင်ဖြီး တိုးပွားအောင် ကြိုးစားနိုင်ကြပါစေသတည်း။
နောက်ဆုံးညွှန်ပြချက်
အစိုးရပါမှ ပြင်နိုင်
ဤ အနာဂတ်သာသနာရေးကျမ်း၌ ပြုပြင်ဖွယ်ရာများကို အစိုးရပါမှ ပြုပြင်နိုင်မည်၊ အစိုးရဆိုသူသည် တန်ခိုးအာဏာ လွန်စွာရှိ၏၊ တိုင်းသူပြည်သားတို့ အကျိုးများမည့် ကိစ္စတို့ကို အနော်ရထာမင်း စသော မြန်မာမင်း အဆက်ဆက်တို့ ပြုပြင်ခဲ့ကြ၏၊ ပြုပြင်သလောက်လည်း အကျိုးရှိခဲ့သည်။
ဤခေတ်၌ မြန်မာနိုင်ငံဝယ် ပြုပြင်ဖွယ် အများအပြားရှိ၏၊ ထိုများစွာသော ပြုပြင်ဖွယ်တို့တွင် သာသနာရေးကိစ္စလည်း အပါအ၀င် ဖြစ်၏၊ သို့သော် ပြုပြင်ပုံ နည်းမကျလျှင် “ဖွပ်သည့်အတွက် ညစ်”ဆိုသလို ဖြစ်တတ်၏၊ ထို့ကြောင့်လည်း မပြုပြင်ဘဲ မိရိုးဖလာအတိုင်း ကြည့်နေခဲ့ကြဟန်တူ၏၊ ထိုသို့ ကြည့်နေခဲ့မှုကြောင့် ယခုအခါတွင် အမြင်မတော်စရာတွေ ရှေ့ကထက် များနေလေပြီ။
အစိုးရမပါလျှင်
အစိုးရသည် အကြောင်းအမျိုးမျိုးကြောင့် မပါနိုင်လျှင် မိမိတို့ သံသရာရေးကို မိမိတို့တွေးကာ လူဝတ်ကြောင် ဒါယကာ ဒါယိကာမများလည်း ဆရာကောင်းထံ နည်းခံ၍ ဖြစ်တန်သမျှ ပြုပြင်သင့်ကြ၏၊ ဆရာတော် သံဃာတော်များကား… တစ်ဖက် ပုပ်နေသော ပိန္နဲသီး၏ အပုပ်ဘက်သို့ ပါမသွားအောင် ၀ိနည်းသိက္ခာကိုလည်း လေးလေးစားစား ထိန်းသိမ်း၍ သမထ ၀ိပဿနာ ဘာဝနာကိုလည်း အချိန်များများ ကြိုးစားသင့်ကြ၏၊ ဤသို့ ကြိုးစားနိုင်မှသာ သာသနာတော်နှင့် တွေ့ကြုံရကျိုးနပ်၍ အနာဂတ်သံသရာခရီးလမ်း ဖြောင့်တန်းစေနိုင် ပါလိမ့်မည်။