ပါရမီဖြစ်ဆောင်ရွက်ပါ
တိုက်တာကို အုပ်ချုပ်နေသော ဆရာတော်များ, အထက်တန်းရာထူးရှင်များ, အလုပ်အကိုင်ကြီးမားသော ပွဲစား, ကုန်သည်, စက်ပိုင်များနှင့် လယ်ပိုင်ရှင်, ငွေတိုးပေး လူကြီးသူမတို့သည် မိမိကိုယ်ကို ဗုဒ္ဓသာဝက (ဗုဒ္ဓတရားတော်ကို လိုက်နာသော ဗုဒ္ဓဘာသာဝင် လူကြီးသူမများ)ဟု အမြဲ သတိထားသင့်၏၊ ဗုဒ္ဓတရားတော်၌ အလုပ်လုပ်မှုကံသည် အလွန်တာသွား၏၊ စိတ်နေစိတ်ထား မြင့်မြင့်မြတ်မြတ်နှင့် ပြုလုပ် သမျှကံသည် (နိဗ္ဗာန်မရခင်) ချမ်းသာခွင့်ရအောင် စီမံ၍ နိဗ္ဗာန်ကိုလည်း ရစေနိုင်၏၊ ယခုဘ၀၌ အနည်းငယ်ခြိုးခြံ၍ လက်အောက် ငယ်သား ဆင်းရဲသူအများအား ညှာတာခြင်းဖြင့် နောက်သံသရာဝယ် … မကြံသာအောင် ကြီးကျယ်သော စည်းစိမ်ကို အလွယ်တကူ ရစေနိုင်၏၊ နောက်ဘ၀ကို ထားဦး၊ ယခုဘ၀မှာပင် ထိုလူကြီးသူမတို့၏ ဂုဏ်သတင်းသည် ထုံသင်းလှိုင်ပျံ့ ရပ်တိုင်းနှံ့လျက် စီးပွား တိုးတက်သည်ကိုလည်း တွေ့နိုင်ပါသည်၊ ယခုခေတ်နှင့်စာသော် ယုံတမ်းစကားဟု မှတ်ထင်ရလောက်သော ရှေးလူကြီးတစ်ယောက် ၏ အကြောင်းကို ပြပါဦးမည်။
ဘုန်းကြီးတို့ရွာ၌ ဘုန်းကြီးမှ ပြန်၍ ရေတွက်လျှင် သုံးဆက်လောက် လွန်ခဲ့သော အဘိုးတော်သူတစ်ယောက်ရှိ၏၊ စပါးရိတ် သိမ်းပြီးသောအခါ ရွာထဲလျှောက်၍ အနည်းငယ်ချို့တဲ့ဟန်ရှိသော ဟိုအိမ် သည်အိမ်၌ ၀မ်းစာစပါး သိုလှောင်ထားသော ပုတ်ကလေး များကို ကြည့်၏၊ တစ်နှစ်စာ လုံလောက်ပုံ မရလျှင် “ငါ့တူ-ငါ့တူမများ ၀မ်းစာ နည်းလှပါကလား၊ ဦးဆီ လာပြီး ယူလှည့်ကြဦး၊ မယူဘဲ မနေနဲ့”ဟု ဖိတ်ခေါ်ကာ ၀မ်းစာလုံလောက်အောင် သိုလှောင်ထား စေသတဲ့၊ မြန်မာမင်းလက်ထက် ကာလပျက်၍ သူသူငါငါ ပုန်းကြရသော်လည်း ထိုလူကြီးကား ညနေ ဘုရားသွား မပျက်ပေ၊ ဓားပြတွေ နှင့်တွေ့လျှင် “ဟေ့ ဘုရားဒကာ မြင်ပါ့မယ်ကွ”ဟု အချင်းချင်း ပြောကြ၍ သူတို့ကပင် အရင်ပုန်းနေကြသတဲ့၊ ဤသို့လျှင် အများ ကောင်းအောင် ဆောင်ရွက်သူမှန်လျှင် နောက်ဘ၀တိုင်အောင် စောင့်၍ မနေရ၊ ယခုဘ၀မှာပင် ချမ်းသာစွာနှင့် စီးပွားတိုးတက်ခွင့် ရှိပါသည်၊ ထို့ကြောင့် ပြခဲ့သော လူကြီးသူမတို့သည် မိမိကိုယ်ကို အလောင်းအလျာဝင် သူတော်စင်တစ်ယောက်ဟု သဘောထားကာ သူတစ်ပါး၏ အကျိုးကို ပါရမီဖြစ် အနှစ်ကျအောင် ရွက်ဆောင်သင့် ကြပါသည်။
ဗုဒ္ဓ၀ါဒသည် ကြီးပွားရေးကို နှောင့်နှေးစေသလော
စစ်တပ်ဖြင့် ဂုဏ်လုပ်နေသော ယခုခေတ်၌ … “ဗုဒ္ဓ၀ါဒသည် လောကီကြီးပွားရေးကို နှောင့်နှေးစေ၏”ဟု အချို့က ယူဆကြ၏၊ သို့သော် ဗုဒ္ဓလက်ထက်တော်မှစ၍ ဘုရားကျောင်းဒကာဖြစ်သော (သောတာပန်) ဗိမ္ဗိသာရမဟာရာဇာ, ကောသလမဟာရာဇာနှင့် ဓမ္မာသောက, ဒုဋ္ဌဂါမဏိ အစရှိသော ဗုဒ္ဓ၀ါဒီတို့သည် ဗုဒ္ဓ၀ါဒနှင့်အညီ တိုင်းပြည်ကို အုပ်ချုပ်ခဲ့ကြပါသည်၊ ဆက်ပါဦးမည်… ဗုဒ္ဓ၀ါဒကို ကြည်ကြည်ညိုညိုနှင့် လိုက်နာနေသူသည် အနေအထိုင် ဣနြေ္ဒရ၏၊ အသုံးအစွဲ မျှတ၏၊ မပျင်းမရိ လုံ့လရှိ၏၊ မတရားလောကကြီးဝယ် သာ၍ တင့်တယ်၏၊ သံသရာရေးကို တွေးပြန်လျှင် သူ၏ တရားမျှတမှုကို အားပြုကာ သာယာကျေနပ်၏၊ တရားနည်းလမ်းကျသော အလုပ်ကိစ္စဟူသမျှဝယ် ရှက်ဖွယ်မရှိဟု နားလည်ထားသဖြင့် မည်သည့် ဂုဏ်အသရေရှိ လူကြီးကိုမျှ အချည်းနှီး မကြောက်ရွံ့တတ်ပါ၊ ထိုသတ္တိကြောင့် ဗုဒ္ဓဘာသာ မြန်မာစစ်သားတို့သည် လက်နက်အင်အား လူအင်အား တူမျှပါမူ မည်သည့် တိုင်းတစ်ပါးရန်သူကိုမျှ ရွံ့ကြမည်မထင်၊ ဤ သတ္တိကြောင့်ပင် အနော်ရထာ, ဘုရင့်နောင်, အလောင်းမင်းတရား, မင်းကြီး ဗန္ဓုလအစရှိသော သတ္တိခဲ ရဲရဲတောက်တွေ (အလားတူ နောက်လိုက်များနှင့်တကွ) ထွက်ပေါ်ခဲ့ကြပေသည်၊ ဤသို့လျှင် ဗုဒ္ဓ၀ါဒသည် လောက၏ ကြီးပွားရေးကို မနှောင့်နှေးစေသည့်အပြင် အပြည့်အစုံ လိုက်နာသူအား အမြန်ဆုံးကြီးပွားရေးကို လမ်းညွှန် ပေးနိုင်ပါသည်၊ (ဗုဒ္ဓ၀ါဒ၌ ကံကိုသာ အားကိုးရမည် မဟုတ်ပါ၊ ဉာဏ်ဝီရိယကိုလည်း အားကိုးရပါသည်။)
ဗုဒ္ဓ၀ါဒဖြင့်ပြုပြင်မှ လွယ်ကူမည်
များစွာသော ကျေးရွာနေသူတို့သည် …ကွန်မြူနစ်, ဆိုရှယ်လစ် စသော ၀ါဒသစ်တို့၏ သဘောတရားကို နားမလည်ကြပါ၊ နားလည်လိုသော ဆန္ဒလည်း ရှိကြပုံ မရပါ၊ သူတို့ သမရိုးကျ နားလည်နေသော ၀ါဒကား ဗုဒ္ဓ၀ါဒသာတည်း။
ထိုဗုဒ္ဓ၀ါဒမှ လူများနှင့် တိုက်ရိုက်သက်ဆိုင်သော ကြီးပွားရေး အချက်များကို ကျောင်းသုံးသင်ခန်းစာဖြစ်အောင် စီစဉ်ညွှန်ပြ၍ ဗုဒ္ဓ၀ါဒအရ ပြုပြင်လျှင် မြန်မာနိုင်ငံတော်သည် ခပ်မြန်မြန် တိုးတက် လာဖွယ်ရှိသည်ဟု ထင်မိပါသည်၊ ကွန်မြူနစ်, ဆိုရှယ်လစ်စသော ၀ါဒသစ်များလည်း သူတို့နည်းအရ တစ်နိုင်ငံလုံးက ကျကျနန လိုက်နာကြလျှင် တိုးတက်စေနိုင်သည်မှာ အမှန်ပင် ဖြစ်တန်ရာ၏။
သို့သော် ထိုဝါဒတွေကို လူအများက နားမလည်ကြသော ကြောင့် နားလည်ပြီးသော တိုးတက်လည်း တိုးတက်စေနိုင်သော ၀ါဒဖြင့် တိုင်းပြည်ကို ပြုပြင်မှ ခပ်မြန်မြန် တိုးတက်ဖွယ်ရှိသည်ဟု ဆိုလိုပါသည်၊ [ ဘာသာရေးကြောင့် အကျိုးမဲ့ ကုန်ကျမှုတို့ကား ဗုဒ္ဓ၀ါဒ (ဗုဒ္ဓ၏အလိုတော်ကျ) မဟုတ်ကြောင်းကို အနာဂတ်သာသနာ အခန်း၌ ပြခဲ့ပါပြီ၊] “ဗုဒ္ဓ၀ါဒဖြင့် ပြုပြင်ပါလျှင် အခြားဘာသာဝင်များနှင့် ဆန့်ကျင်နေမည် မဟုတ်ပါလော”ဟု မေးခွင့်ရှိ၏၊ ဗုဒ္ဓ၀ါဒ သည် လောကုတ္တရာရေး၌သာ အခြားဝါဒနှင့် အထူးတလည် ခြားနား၍ လောကီကြီးပွားရေး၌ကား ဆန့်ကျင်လောက်အောင် မကွဲပြားပါ။
ဘာသာရေးသည် ဘိန်းနှင့်တူသလော
ခေတ်လူ တချို့က …““ဘာသာရေးသည် ဘိန်းနှင့် တူ၏””ဟု ဆိုကြ၏၊ သူတို့ ဆိုလို ရင်းကား… ဘိန်းသည် အလွန်စွဲလန်းစေ ခြင်းလက္ခဏာရှိသကဲ့သို့ ဘာသာရေးသည်လည်း အလွန်စွဲလန်းစေ ခြင်းလက္ခဏာရှိ၏၊ ဘိန်းစွဲမိလျှင် အဖြတ်ခက်သကဲ့သို့ ဘာသာရေး စွဲသူများလည်း ထိုဘာသာကို အစွန့်ခက်၏၊ ဘိန်းကို မကောင်းမှန်း သိလျက်နှင့် ရှူမြဲ ရှူ, စားမြဲ စားသကဲ့သို့ ဘာသာရေးအလုပ်တချို့လည်း အကျိုး မရှိမှန်းသိလျက် လုပ်မြဲလုပ်နေကြ၏၊ ဘိန်းကြောင့် လူမျိုးပျက်စီးရသကဲ့သို့ ဘာသာရေးကြောင့် လူမျိုးပျက်စီးရ၏၊ ဤသို့ စသည်ဖြင့် ဆိုလိုဟန်တူသည်။
အရင်းခံ ဗုဒ္ဓဘာသာ၌ ထိုသို့ ပျက်စီးလမ်းများ မရှိပါ၊ ယခု အချို့ပျက်စီးနေရသည်ကား ဘာသာရေးကို ဗန်းပြ၍ ကိုယ်ကျိုး ကြည့်သူများကြောင့်သာ ဖြစ်ရ၏၊ အမှန်အားဖြင့် ဗုဒ္ဓ၏ ၀ါဒကို ကျကျနန လိုက်စားလျှင် မပျက်စီးသည့်ပြင် တိုးတက်ရမည် အမှန်ပင်တည်း၊ “မှားမှား မှန်မှန်, ငါ့အယူသာ အမှန်”ဟု စွဲလမ်းသူများ အတွက်ကား (ဗုဒ္ဓ-ဟိန္ဒူ-ခရစ်ယာန်-မဟာမေဒင်) မရွေး မည်သည့် ဘာသာမဆို ဘိန်းနှင့် တူပါသည်၊ ထိုစွဲလမ်းမှုမျိုး မရှိဖို့ရာလည်း ကာလာမသုတ်ကို ဗုဒ္ဓရှင်တော် ဟောတော်မူခဲ့ပါသည်၊ (အနာဂတ် သာသနာခန်း အစ၌ ပြန်ကြည့်ပါ၊) “မှားမှား မှန်မှန် အရမ်းစွဲလမ်းမှု သည် ဘိန်းနှင့်တူတမ်း”ဖြစ်လျှင် ၀ါဒရေးလည်း ဘိန်းနှင့်တူသည်သာ၊
မှန်၏၊ ရှေးတုန်းက တွဲရေး ခွဲရေး စသည်ဖြင့် ပါတီဝါဒ ကွဲခဲ့ကြရာ၌ တစ်အိမ်သားချင်းသော်မှ စေ့စပ်၍ မရအောင် ကိုယ့်ဝါဒကိုကိုယ် စွဲလမ်းခဲ့ကြ၏၊ ယခုလည်း ထိုကဲ့သို့ပင် စွဲလမ်းကြသည် မဟုတ်ပါလော။